ಕರ್ನಾಟಕದಲ್ಲಿ ಕಬ್ಬು (Sugarcane) ರೈತರಿಗೆ ಬಿಗ್ ವಿನ್! ಟನ್‌ಗೆ ₹3,600 ರಿಂದ ₹4,200 ವರೆಗೆ ಬೆಲೆ – ಈಗ ಸರ್ಕಾರದಿಂದ ₹1,000 ಪ್ರೋತ್ಸಾಹಧನಕ್ಕೆ ಪಟ್ಟು

ಕರ್ನಾಟಕದಲ್ಲಿ ಕಬ್ಬಿಗೆ (Sugarcane) ಟನ್‌ಗೆ ₹3,600-₹4,200 ಬೆಲೆ. ಬೆಳಗಾವಿಯಲ್ಲಿ ಹೋರಾಟ ಅಂತ್ಯ, ಕಟಾವು ಶುರು. ಈಗ ಸರ್ಕಾರದಿಂದ ₹1,000 ಪ್ರೋತ್ಸಾಹಧನಕ್ಕೆ ರೈತರ ಪಟ್ಟು.

ಬೆಳಗಾವಿಯಲ್ಲಿ ತಿಂಗಳ ಹೋರಾಟಕ್ಕೆ ತೆರೆ, ಕಬ್ಬು (Sugarcane) ಕಟಾವು ಶುರು – ಎರಡು ಫ್ಯಾಕ್ಟರಿಗಳು ₹4,200 ಘೋಷಿಸಿ ಸಂಚಲನ, ಚಳಿಗಾಲದ ಅಧಿವೇಶನದಲ್ಲಿ ಮುತ್ತಿಗೆ ಎಚ್ಚರಿಕೆ

Sugarcane

ಬೆಳಗಾವಿ: ಕರ್ನಾಟಕದ ಕಬ್ಬು ಬೆಳೆಗಾರರಿಗೆ ಕೊನೆಗೂ ಸಿಹಿ ಸುದ್ದಿ. ಒಂದು ತಿಂಗಳಿಗೂ ಹೆಚ್ಚು ಕಾಲ ನಡೆದ ಹೋರಾಟದ ನಂತರ ಬೆಳಗಾವಿ ಜಿಲ್ಲೆಯಲ್ಲಿ ಕಬ್ಬು ಕಟಾವು ಮತ್ತು ಕಾರ್ಖಾನೆಗಳಲ್ಲಿ ಅರೆಯುವಿಕೆ (Crushing) ಆರಂಭವಾಗಿದೆ.

ನವೆಂಬರ್ 3 ಮತ್ತು 4 ರಂದು ಜಿಲ್ಲಾ ಉಸ್ತುವಾರಿ ಸಚಿವ ಸತೀಶ್ ಜಾರಕಿಹೊಳಿ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಕಾರ್ಖಾನೆಗಳು ಮೊದಲ ಕಂತಾಗಿ ಟನ್‌ಗೆ ₹3,600 ನೀಡಲು ಒಪ್ಪಿಕೊಂಡವು. ಇದರಲ್ಲಿ ₹3,500 ಮೊದಲ ಕಂತು + ₹100 ನಂತರ ನೀಡಲಾಗುತ್ತದೆ. ಕಳೆದ ವರ್ಷಕ್ಕಿಂತ ಇದು ₹350 ಹೆಚ್ಚು.

ರಾಜ್ಯ ರೈತ ಸಂಘ ಮತ್ತು ಹಸಿರು ಸೇನೆ ಅಧ್ಯಕ್ಷ ಚುನಪ್ಪ ಪೂಜೇರಿ ಅವರು ಹೋರಾಟವನ್ನು ಹಿಂಪಡೆಯುವುದಾಗಿ ಘೋಷಿಸಿದರು.

ಎರಡು ಕಾರ್ಖಾನೆಗಳು ₹4,200 ವರೆಗೆ ಘೋಷಿಸಿ ಸಂಚಲನ!

Sugarcane price

ಒಪ್ಪಂದದ ನಂತರವೂ (Sugarcane) ಅಚ್ಚರಿಯ ಬೆಳವಣಿಗೆ ನಡೆದಿದೆ. ಬೆಳಗಾವಿಯ ಎರಡು ಸಕ್ಕರೆ ಕಾರ್ಖಾನೆಗಳು ಒಪ್ಪಂದಕ್ಕಿಂತ ಹೆಚ್ಚು ಬೆಲೆ ಘೋಷಿಸಿವೆ:

ಕಾರ್ಖಾನೆ ಘೋಷಿಸಿದ ಬೆಲೆ
ಶಿರಗುಪ್ಪಿ ಶುಗರ್ ವರ್ಕ್ಸ್, ಕಾಗವಾಡ ₹4,000 / ಟನ್
ವೆಂಕಟೇಶ್ವರ ಶುಗರ್ ಫ್ಯಾಕ್ಟರಿ, ಬೆಡಕಿಹಾಳ ₹4,200 / ಟನ್

ಇದು ರೈತರಲ್ಲಿ ಹೊಸ ಭರವಸೆ ಮೂಡಿಸಿದೆ. “ಕೆಲವು ಕಾರ್ಖಾನೆಗಳು ₹4,200 ಕೊಡಲು ಸಾಧ್ಯವಾದರೆ, ಉಳಿದವರು ಏಕೆ ₹3,600 ಮಾತ್ರ ಕೊಡಬೇಕು?” ಎಂದು ರೈತರು ಪ್ರಶ್ನಿಸುತ್ತಿದ್ದಾರೆ. ಇನ್ನೂ ಹೆಚ್ಚಿನ ಕಾರ್ಖಾನೆಗಳು ಬೆಲೆ ಹೆಚ್ಚಿಸಬಹುದು ಎಂದು ರೈತ ಮುಖಂಡರು ಆಶಿಸಿದ್ದಾರೆ.

ಪ್ರಾಫಿಟ್ ಶೇರಿಂಗ್ – ಈ ಬಾರಿ ಹೊಸ ಫಾರ್ಮುಲಾ!

ಈ ಬಾರಿ ಕೇವಲ ಬೆಲೆ ಮಾತ್ರವಲ್ಲ, ಲಾಭ ಹಂಚಿಕೆ (Profit Sharing) ಫಾರ್ಮುಲಾ ಕೂಡ ಒಪ್ಪಿಕೊಳ್ಳಲಾಗಿದೆ. ಇದು ರೈತರಿಗೆ ಐತಿಹಾಸಿಕ ಗೆಲುವು ಎಂದು ಚುನಪ್ಪ ಪೂಜೇರಿ ಹೇಳಿದ್ದಾರೆ.

Sensex Nifty Today: ಷೇರು ಮಾರುಕಟ್ಟೆಯಲ್ಲಿ ಭಾರೀ ಕುಸಿತ! ಸೆನ್ಸೆಕ್ಸ್ 750 ಪಾಯಿಂಟ್ ಜಾರಿ, ನಿಫ್ಟಿ 25,000 ಕೆಳಗೆ – IT ಷೇರುಗಳಿಗೆ ಭಾರೀ ಹೊಡೆತ

ಫಾರ್ಮುಲಾ ಹೇಗೆ ಕೆಲಸ ಮಾಡುತ್ತೆ?

  • ಸಕ್ಕರೆ ಬೆಲೆ ಏರಿದರೆ, ಅದರ ಲಾಭದ ಒಂದು ಭಾಗ ರೈತರಿಗೆ ಸಿಗುತ್ತದೆ
  • ಸಕ್ಕರೆ ₹50/ಕೆಜಿ ಗೆ ಮಾರಾಟವಾದರೆ, ರೈತರಿಗೆ ಟನ್‌ಗೆ ₹4,000 ಕ್ಕಿಂತ ಹೆಚ್ಚು ಸಿಗಬಹುದು
  • ಸಕ್ಕರೆ ಬೆಲೆಗೆ ಅನುಗುಣವಾಗಿ ಅಂತಿಮ ಪಾವತಿ ನಿರ್ಧಾರವಾಗುತ್ತದೆ

ಈ ಮೂಲಕ ರೈತರು ₹4,350 ವರೆಗೆ ಪಡೆಯುವ ಸಾಧ್ಯತೆ ಇದೆ ಎಂದು ರೈತ ಸಂಘಟನೆಗಳು ಹೇಳಿವೆ.

ರೈತರ ಮುಂದಿನ ಬೇಡಿಕೆ – ಸರ್ಕಾರದಿಂದ ₹1,000 ಪ್ರೋತ್ಸಾಹಧನ!

ಕಾರ್ಖಾನೆಗಳ ಜೊತೆ ಒಪ್ಪಂದವಾದರೂ, ರೈತರ ಹೋರಾಟ ಇನ್ನೂ ಮುಗಿದಿಲ್ಲ. ಈಗ ರೈತರು ರಾಜ್ಯ ಸರ್ಕಾರದತ್ತ ತಿರುಗಿದ್ದಾರೆ.

ರೈತರ ಬೇಡಿಕೆಗಳು:

  • ರಾಜ್ಯ ಸರ್ಕಾರದಿಂದ ಟನ್‌ಗೆ ₹1,000 ಹೆಚ್ಚುವರಿ ಪ್ರೋತ್ಸಾಹಧನ
  • ಒಟ್ಟು ₹5,000 ಕೋಟಿ ಪ್ರೋತ್ಸಾಹಧನ ಪ್ಯಾಕೇಜ್ ಘೋಷಿಸಬೇಕು
  • ಕಬ್ಬಿನ ((Sugarcane) ಬೆಲೆಯನ್ನು ಫಾರ್ಮ್ ಗೇಟ್‌ನಲ್ಲಿ ಲೆಕ್ಕ ಹಾಕಬೇಕು, ಕಟಾವು-ಸಾಗಣೆ ಖರ್ಚು ರೈತರ ಮೇಲೆ ಹಾಕಬಾರದು
  • ಸಕ್ಕರೆಯ ಕನಿಷ್ಠ ಮಾರಾಟ ಬೆಲೆಯನ್ನು ₹31 ರಿಂದ ₹60/ಕೆಜಿ ಗೆ ಏರಿಸಬೇಕು
  • ಕೇಂದ್ರ ಸರ್ಕಾರ FRP ಅನ್ನು ₹4,500/ಟನ್ ಗೆ ಏರಿಸಬೇಕು

ನವೆಂಬರ್ 20 ರೊಳಗೆ ಬೇಡಿಕೆ ಈಡೇರದಿದ್ದರೆ ಬೆಳಗಾವಿಯಲ್ಲಿ ನಡೆಯುವ ಚಳಿಗಾಲದ ಅಧಿವೇಶನದಲ್ಲಿ ಸುವರ್ಣ ವಿಧಾನಸೌಧಕ್ಕೆ ಲಕ್ಷಾಂತರ ರೈತರು ಮುತ್ತಿಗೆ ಹಾಕುವುದಾಗಿ ಎಚ್ಚರಿಕೆ ನೀಡಿದ್ದಾರೆ.

ಸಿಎಂ ಡಿ.ಕೆ. ಶಿವಕುಮಾರ್ ಏನು ಹೇಳಿದರು?

ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ಈ ವಿಷಯವನ್ನು ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಪತ್ರ ಬರೆಯುವ ಮೂಲಕ,  ನವೆಂಬರ್ 13 ರಂದು ಬೆಂಗಳೂರಿಗೆ ಬಂದಾಗ ಈ ವಿಚಾರದ ಕುರಿತು ವಿಶ್ಲೇಷನಿಯವಾಗಿ ಮಾತನಾಡುವುದಾಗಿ ಹೇಳಿದ್ದಾರೆ. ಅಲ್ಲದೇ, ಕೇಂದ್ರ ಆಹಾರ ಸಚಿವ ಪ್ರಲ್ಹಾದ್ ಜೋಶಿ ಅವರು ರೈತರ ಬೇಡಿಕೆಗಳನ್ನು ಪರಿಶೀಲಿಸಲು ಸಮಿತಿ ಕೂಡ ರಚಿಸಿದ್ದಾರೆ. ಇನ್ನೂ ಕರ್ನಾಟಕದಲ್ಲಿ ಚೇತರಿಕೆ ಪ್ರಮಾಣ 10-12% ಮಾತ್ರ ಇದೆ ಎಂದು ತಿಳಿದು ಬಂದಿದೆ. (Sugarcane)

ಇತರ ರಾಜ್ಯಗಳಲ್ಲಿ ಎಷ್ಟು?

  • ತಮಿಳುನಾಡು: ಟನ್‌ಗೆ ₹709 ಹೆಚ್ಚುವರಿ ಪ್ರೋತ್ಸಾಹಧನ
  • ಪಂಜಾಬ್: ರಾಜ್ಯ ಸಲಹಾ ಬೆಲೆ (SAP) ₹4,480 / ಟನ್
  • ಮಹಾರಾಷ್ಟ್ರ: ಸಕ್ಕರೆ ಚೇತರಿಕೆ (Recovery) 13-14% ಇರುವುದರಿಂದ ಬೆಲೆ ಹೆಚ್ಚು

ಇನ್ನಷ್ಟು ಓದಿ