ಬೆಂಗಳೂರಿಗರ ಪ್ರಯಾಣಕ್ಕೆ ಇನ್ಮುಂದೆ ಡಿಜಿಟಲ್ ಸ್ಪರ್ಶ - BMTC 2.0 App ಬಿಡುಗಡೆ!

ನಮ್ಮ BMTC 2.0 App ನಿಮ್ಮ ಪ್ರಯಾಣದ ಹೊಸ ಸಂಗಾತಿ – ಬಸ್ ಲೈವ್ ಲೊಕೇಶನ್, ಕನ್ನಡ-ಇಂಗ್ಲಿಷ್, ಡಿಜಿಟಲ್ ಟಿಕೆಟ್ + ಬಸ್ ಪಾಸ್, ಬಸ್ + ಮೆಟ್ರೋ ಟಿಕೆಟ್ ಒಂದೇ ಆ್ಯಪ್‌ನಲ್ಲಿ!

ಬೆಂಗಳೂರು: ಬೆಂಗಳೂರಿನ ಲಕ್ಷಾಂತರ ಜನರ ದೈನಂದಿನ ಪ್ರಯಾಣವನ್ನು ಮತ್ತಷ್ಟು ಸುಲಭಗೊಳಿಸಲು BMTCಯಿಂದ ಮತ್ತೊಂದು ಡಿಜಿಟಲ್ ಹೆಜ್ಜೆ ಇಡಲಾಗಿದೆ. ಬಸ್‌ಗಳ ಮಾಹಿತಿ, ಪ್ರಯಾಣದ ಮಾರ್ಗ, ಟಿಕೆಟ್ ಸೇರಿದಂತೆ ಹಲವು ಸೌಲಭ್ಯಗಳನ್ನು ಒಂದೇ ವೇದಿಕೆಯಲ್ಲಿ ಒದಗಿಸುವ ನಮ್ಮ BMTC 2.0 App ಇದೀಗ ಲಭ್ಯವಿದೆ. ಸಾರ್ವಜನಿಕ ಸಾರಿಗೆ ವ್ಯವಸ್ಥೆಯನ್ನು ಮತ್ತಷ್ಟು ಸರಳ, ಸುಲಭ ಮತ್ತು ಜನಸ್ನೇಹಿಯಾಗಿಸುವ ಮಹತ್ವದ ಪ್ರಯತ್ನ ಇದಾಗಿದೆ.

ಇದುವರೆಗೆ ಬಸ್‌ಗಾಗಿ ಸ್ಟಾಪ್‌ನಲ್ಲಿ ನಿಂತು ಕಾಯುವುದು, ಬಸ್ ಯಾವಾಗ ಬರುತ್ತದೆ ಎಂದು ಗೊತ್ತಾಗದೆ ತಡವಾಗುವುದು, ಚಿಲ್ಲರೆಗಾಗಿ ಕಂಡಕ್ಟರ್ ಜೊತೆ ವಾದ ಮಾಡುವುದು ಬೆಂಗಳೂರಿಗರಿಗೆ ಸಾಮಾನ್ಯವಾಗಿತ್ತು. ಈ ಎಲ್ಲಾ ಸಮಸ್ಯೆಗಳಿಗೆ ಈಗ ಒಂದೇ ಪರಿಹಾರ ಸಿಕ್ಕಂತಾಗಿದೆ.

ಈ ಆ್ಯಪ್‌ನಲ್ಲಿ ಬಸ್‌ನ ನಿಖರ ಸ್ಥಳವನ್ನು ಲೈವ್‌ನಲ್ಲಿ ವೀಕ್ಷಿಸುವ ಸೌಲಭ್ಯವಿದೆ. ನಿಮ್ಮ ಬಸ್ ಈಗ ಎಲ್ಲಿದೆ, ಎಷ್ಟು ನಿಮಿಷದಲ್ಲಿ ನಿಮ್ಮ ನಿಲ್ದಾಣಕ್ಕೆ ಬರುತ್ತದೆ ಎಂಬುದನ್ನು ಮೊಬೈಲ್‌ನಲ್ಲೇ ನೋಡಬಹುದು. ಇದರಿಂದ ಮನೆಯಿಂದ ಹೊರಡುವ ಸಮಯವನ್ನು ಸರಿಯಾಗಿ ಹೊಂದಿಸಿಕೊಳ್ಳಬಹುದು.

ಜೊತೆಗೆ ಆ್ಯಪ್ ಕನ್ನಡ ಮತ್ತು ಇಂಗ್ಲಿಷ್ ಎರಡೂ ಭಾಷೆಗಳಲ್ಲಿ ಲಭ್ಯವಿದೆ. ಇದರಿಂದ ವಯಸ್ಸಾದವರು, ವಿದ್ಯಾರ್ಥಿಗಳು, ಹೊಸದಾಗಿ ಬೆಂಗಳೂರಿಗೆ ಬಂದವರು ಎಲ್ಲರಿಗೂ ಬಳಸಲು ಸುಲಭವಾಗುತ್ತದೆ. BMTC 2.0 App

ಮತ್ತೊಂದು ದೊಡ್ಡ ಅನುಕೂಲ ಎಂದರೆ ಡಿಜಿಟಲ್ ಟಿಕೆಟ್ ಮತ್ತು ಬಸ್ ಪಾಸ್ ಸೌಲಭ್ಯ. ಇನ್ನು ಮುಂದೆ ಹಣ, ಚಿಲ್ಲರೆ ತೆಗೆದುಕೊಂಡು ಹೋಗುವ ಅಗತ್ಯವಿಲ್ಲ. ಮೊಬೈಲ್‌ನಲ್ಲೇ ಟಿಕೆಟ್ ಪಡೆದು, ಕಂಡಕ್ಟರ್‌ಗೆ ತೋರಿಸಿದರೆ ಸಾಕು. ಮಾಸಿಕ ಬಸ್ ಪಾಸ್ ಕೂಡ ಆನ್‌ಲೈನ್‌ನಲ್ಲೇ ನವೀಕರಿಸಬಹುದು. BMTC 2.0 App

Bangalore Power Cut: ಬೆಂಗಳೂರಿನಲ್ಲಿ (ನ.12) 70ಕ್ಕೂ ಅಧಿಕ ಬಡಾವಣೆಗಳಲ್ಲಿ ವಿದ್ಯುತ್ ಕಡಿತ; ಎಲ್ಲೆಲ್ಲಿ?

BMTC 2.0 App ಅತಿ ದೊಡ್ಡ ಹೈಲೈಟ್ ಎಂದರೆ ಬಸ್ ಮತ್ತು ಮೆಟ್ರೋ ಟಿಕೆಟ್ ಒಂದೇ ಆ್ಯಪ್‌ನಲ್ಲಿ ಸಿಗುವುದು. ಬೆಂಗಳೂರಿನಲ್ಲಿ ಬಸ್‌ನಿಂದ ಇಳಿದು ಮೆಟ್ರೋ ಹತ್ತುವವರು ತುಂಬಾ ಜನರಿದ್ದಾರೆ. ಅವರಿಗೆ ಇನ್ನು ಎರಡು ಬೇರೆ ಬೇರೆ ಆ್ಯಪ್ ಬೇಕಾಗಿಲ್ಲ. ಒಂದೇ ಆ್ಯಪ್‌ನಲ್ಲಿ ಎರಡೂ ಪ್ರಯಾಣವನ್ನು ಪ್ಲಾನ್ ಮಾಡಬಹುದು.

ಒಟ್ಟಾರೆ, ಬೆಂಗಳೂರಿನ ಟ್ರಾಫಿಕ್‌ನಲ್ಲಿ ಸಿಲುಕದೆ, ಸಮಯ ಉಳಿಸಿ, ಸ್ಮಾರ್ಟ್ ಆಗಿ ಪ್ರಯಾಣ ಮಾಡಲು BMTC 2.0 App ಬೆಂಗಳೂರಿಗರ ಹೊಸ ಸಂಗಾತಿಯಾಗಲಿದೆ. ಇನ್ನೂ ಆ್ಯಪ್ ಡೌನ್‌ಲೋಡ್ ಮಾಡಿಲ್ಲದಿದ್ದರೆ, ಈಗಲೇ ಡೌನ್‌ಲೋಡ್ ಮಾಡಿ ಪ್ರಯಾಣವನ್ನು ಸುಲಭಗೊಳಿಸಿಕೊಳ್ಳಿ.

ಆ್ಯಪ್ ಡೌನ್‌ಲೋಡ್ ಮಾಡುವುದು ಹೇಗೆ?

Download BMTC 2.0 App in Playstore

ಸ್ಟೆಪ್ 1: ನಿಮ್ಮ ಮೊಬೈಲ್‌ನಲ್ಲಿ Google Play Store ತೆರೆಯಿರಿ.

ಸ್ಟೆಪ್ 2: ಮೇಲೆ ಸರ್ಚ್ ಬಾರ್‌ನಲ್ಲಿ “Namma BMTC 2.0” ಅಥವಾ “BMTC 2.0” ಎಂದು ಟೈಪ್ ಮಾಡಿ ಸರ್ಚ್ ಮಾಡಿ.

ಸ್ಟೆಪ್ 3: BMTC ಲೋಗೋ ಇರುವ ಅಧಿಕೃತ ಆ್ಯಪ್ ಕಾಣುತ್ತದೆ. ಅದರ ಮೇಲೆ ಕ್ಲಿಕ್ ಮಾಡಿ.

ಸ್ಟೆಪ್ 4: Install / ಡೌನ್‌ಲೋಡ್ ಬಟನ್ ಒತ್ತಿರಿ. 2-3 ನಿಮಿಷದಲ್ಲಿ ಡೌನ್‌ಲೋಡ್ ಆಗುತ್ತೆ.

ಸ್ಟೆಪ್ 5: ಆ್ಯಪ್ ತೆರೆದು, ಭಾಷೆ ಆಯ್ಕೆ ಮಾಡಿ – ಕನ್ನಡ / English.

ಸ್ಟೆಪ್ 6: ನಿಮ್ಮ ಮೊಬೈಲ್ ನಂಬರ್ ಹಾಕಿ, ಬರುವ OTP ಹಾಕಿ ಲಾಗಿನ್ ಆಗಿ.

ಸ್ಟೆಪ್ 7: ನಿಮ್ಮ ಹೆಸರು, ಇಮೇಲ್ (ಬೇಕಿದ್ದರೆ) ಹಾಕಿ. ಮುಗೀತು! ಈಗ ನೀವು ಆ್ಯಪ್ ಬಳಸಬಹುದು.

iPhone ಬಳಸುವವರಿಗೆ (Apple Store)

ಸ್ಟೆಪ್ 1: ನಿಮ್ಮ iPhone ನಲ್ಲಿ App Store ತೆರೆಯಿರಿ.

ಸ್ಟೆಪ್ 2: ಸರ್ಚ್‌ನಲ್ಲಿ “Namma BMTC 2.0” ಎಂದು ಟೈಪ್ ಮಾಡಿ.

ಸ್ಟೆಪ್ 3: ಅಧಿಕೃತ ಆ್ಯಪ್ ಮೇಲೆ ಕ್ಲಿಕ್ ಮಾಡಿ, Get ಒತ್ತಿ.

ಸ್ಟೆಪ್ 4: Face ID / Password ಹಾಕಿ ಡೌನ್‌ಲೋಡ್ ಮಾಡಿ.

ಸ್ಟೆಪ್ 5: ಆ್ಯಪ್ ತೆರೆದು ಮೊಬೈಲ್ ನಂಬರ್ + OTP ಹಾಕಿ ಲಾಗಿನ್ ಆಗಿ.

ಆ್ಯಪ್‌ನಲ್ಲಿ ಟಿಕೆಟ್ ತೆಗೆದುಕೊಳ್ಳುವುದು ಹೇಗೆ?

ಸ್ಟೆಪ್ 1: ಆ್ಯಪ್ ತೆರೆದು “Book Ticket / ಟಿಕೆಟ್ ಬುಕ್ ಮಾಡಿ” ಮೇಲೆ ಕ್ಲಿಕ್ ಮಾಡಿ.

ಸ್ಟೆಪ್ 2: From – ಎಲ್ಲಿಂದ? To – ಎಲ್ಲಿಗೆ? ಹಾಕಿ. ಉದಾ: ಮೆಜೆಸ್ಟಿಕ್ ನಿಂದ ವೈಟ್‌ಫೀಲ್ಡ್.

ಸ್ಟೆಪ್ 3: ನಿಮಗೆ ಬೇಕಾದ ಬಸ್ ರೂಟ್ ಆಯ್ಕೆ ಮಾಡಿ. ಬಸ್ ನಂಬರ್, ಸಮಯ, ದರ ಕಾಣಿಸುತ್ತದೆ.

ಸ್ಟೆಪ್ 4: UPI / Google Pay / PhonePe / ಕಾರ್ಡ್ ಮೂಲಕ ಪೇಮೆಂಟ್ ಮಾಡಿ.

ಸ್ಟೆಪ್ 5: ಟಿಕೆಟ್ ನಿಮ್ಮ ಮೊಬೈಲ್‌ನಲ್ಲಿ ಬರುತ್ತೆ. ಬಸ್ ಹತ್ತಿದಾಗ ಕಂಡಕ್ಟರ್‌ಗೆ ತೋರಿಸಿ. ಅಷ್ಟೇ!

ಆ್ಯಪ್‌ನಲ್ಲಿ ಬಸ್ ಲೈವ್ ಲೊಕೇಶನ್ ನೋಡುವುದು ಹೇಗೆ?

ಸ್ಟೆಪ್ 1: ಹೋಮ್ ಪೇಜ್‌ನಲ್ಲಿ “Live Tracking / ಲೈವ್ ಟ್ರ್ಯಾಕಿಂಗ್” ಮೇಲೆ ಕ್ಲಿಕ್ ಮಾಡಿ.

ಸ್ಟೆಪ್ 2: ನಿಮ್ಮ ಬಸ್ ನಂಬರ್ ಹಾಕಿ – ಉದಾ: 500D, 201, G3.

ಸ್ಟೆಪ್ 3: ಮ್ಯಾಪ್‌ನಲ್ಲಿ ಬಸ್ ಈಗ ಎಲ್ಲಿದೆ, ಎಷ್ಟು ನಿಮಿಷದಲ್ಲಿ ಬರುತ್ತೆ ಎಂದು ಕಾಣಿಸುತ್ತದೆ.

ಸ್ಟೆಪ್ 4: “Notify Me” ಒತ್ತಿದರೆ, ಬಸ್ ನಿಮ್ಮ ಸ್ಟಾಪ್ ಹತ್ತಿರ ಬಂದಾಗ ನೋಟಿಫಿಕೇಶನ್ ಬರುತ್ತೆ.

ಬಸ್ ಪಾಸ್ ತೆಗೆದುಕೊಳ್ಳುವುದು ಹೇಗೆ?

ಸ್ಟೆಪ್ 1: “Bus Pass / ಬಸ್ ಪಾಸ್” ಆಪ್ಷನ್ ಮೇಲೆ ಕ್ಲಿಕ್ ಮಾಡಿ.

ಸ್ಟೆಪ್ 2: ಮಾಸಿಕ / ವಿದ್ಯಾರ್ಥಿ / ಹಿರಿಯ ನಾಗರಿಕ – ಯಾವ ಪಾಸ್ ಬೇಕು ಆಯ್ಕೆ ಮಾಡಿ.

ಸ್ಟೆಪ್ 3: ನಿಮ್ಮ ಫೋಟೋ, ID ಅಪ್‌ಲೋಡ್ ಮಾಡಿ, ಪೇಮೆಂಟ್ ಮಾಡಿ.

ಸ್ಟೆಪ್ 4: ಪಾಸ್ ಮೊಬೈಲ್‌ನಲ್ಲೇ ಸಿಗುತ್ತೆ. ಪ್ರಿಂಟ್ ತೆಗೆಯುವ ಅವಶ್ಯಕತೆ ಇಲ್ಲ.